ඔබ අපව තෝරා ගත යුත්තේ ඇයි?
ඔබගේ රක්ෂණ අවශ්‍යතා සඳහා විශ්වාසදායක හවුල්කරුවෙකු සොයන්නේ නම්, දශක හයකට අධික ප්‍රවීණත්වයකින් සහ විශිෂ්ටත්වයේ උරුමයකින් ශක්තිමත් ශ්‍රී ලංකා ඉන්ෂුවරන්ස් කෝපරේෂන් ජෙනරල් ලිමිටඩ් (SLIC ජෙනරල්), ඒ සඳහා හොඳම තේරීමකි.
පිළිගත් ගුණාත්මකභාවය සහ විශිෂ්ටත්වය
අපගේ බොහෝ තත්ත්ව සහතික සහ සම්මානවලින් පිළිබිඹු වන පරිදිම, SLIC ජෙනරල් අපි ඉහළම ගුණාත්මකභාවයක් සහ විශිෂ්ටත්වයේ ප්‍රමිතීන් පවත්වා ගැනීමට කැපවී සිටිමු. පහත සම්මානද ඊට සාක්ෂි දරයි.
2017, 2018 සහ 2019 ශ්‍රී ලංකා ජාතික තත්ත්ව සම්මාන උළෙලේදී, මහා පරිමාණ සේවා අංශයේ කාර්යසාධන විශිෂ්ටත්වය වෙනුවෙන් ඇගයීම් සහතිකයක් හිමිකර ගැනීම.
Greenhouse Gas Certification in line with ISO standards (ISO 14064-1:2018), verified under ISO 14064-3:2019
තොරතුරු ආරක්ෂණ කළමනාකරණ පද්ධති (ISMS) සඳහා වන ISO/IEC 27001:2013 සහතිකයෙන් පිදුම් ලැබීම.
LMD සමීක්ෂණයට අනුව 2018 සිට 2023 දක්වා අඛණ්ඩව ශ්‍රී ලංකාවේ වඩාත් ගෞරවාදරයට පත් සාමාන්‍ය රක්ෂණ සන්නාමය බවට පත්වීම.
බ්‍රෑන්ඩ් ෆයිනෑන්ස් වර්ගීකරණයට අනුව, 2018 සිට 2025 දක්වා අඛණ්ඩව මෙරට වඩාත්ම වටිනා සාමාන්‍ය රක්ෂණ සන්නාමය බවට පත්වීම.
ISO 9001:2015 - තත්ත්ව කළමනාකරණ පද්ධති සහතිකය.
Fitch A+ Rating
විශ්වාසයේ සහ සුරක්ෂිතභාවයේ අසමසම උරුමය
ශ්‍රී ලංකාවේ ප්‍රමුඛතම රාජ්‍ය රක්ෂණ ආයතනය වන SLIC ජෙනරල්, බ්‍රෑන්ඩ් ෆයිනෑන්ස් විසින් වඩාත්ම වටිනා සාමාන්‍ය රක්ෂණ සන්නාමය ලෙස පිළිගැනීමට ලක් කර ඇත. අපගේ දීර්ඝ ඉතිහාසය මූල්‍ය ස්ථාවරත්වය සහ පුද්ගලයන්ගේ මෙන්ම ව්‍යාපාරවල අනාගතය ආරක්ෂා කිරීමට ඇති නොසැලෙන කැපවීම මත පදනම් වී ඇත. රක්ෂණ කර්මාන්තයේ ඉහළම ගෝලීය ප්‍රමිතීන්ට අනුකූලව තම රක්ෂණ ඉලක්ක සපුරා ගැනීමට, අපි බොහෝ ගණනක් වූ ගනුදෙනුකරුවන්ට නිරතුරුවම මඟ පෙන්වා ඇත්තෙමු.
පුළුල් රක්ෂණ විසඳුම්
SLIC ජෙනරල් හිදී, සෑම ගනුදෙනුකරුවෙකුටම අනන්‍ය අවශ්‍යතා ඇති බව අපි අවබෝධයෙන් සිටිමු. ඒ නිසාම, ඔබට වඩාත්ම වැදගත් දෑ ආරක්ෂා කිරීම සඳහාම නිර්මාණය කර ඇති පුළුල් පරාසයක රක්ෂණ විසඳුම් අපි සපයන්නෙමු. ඔබේ පුද්ගලික වත්කම් හෝ ව්‍යාපාරයට සිදුවිය හැකි අනපේක්ෂිත අවදානම් වලින් ප්‍රශස්ත ආරක්ෂාවක් සලසමින්, අපගේ නවීන රක්ෂණ විසඳුම් ඔබට පූර්ණ මානසික සැනසීමක් ලබා දෙනු ඇත.
පාරිභෝගික කේන්ද්‍රීය ප්‍රවේශය
ඔබේ අවශ්‍යතා අපගේ ප්‍රමුඛතාවයයි. අපගේ පාරිභෝගික කේන්ද්‍රීය දර්ශනය සහතික කරන්නේ අප කරන සෑම දෙයකම මූලික පදනම ඔබ බවයි. ඔබගේ රක්ෂණ ලේඛන කටයුතු සහ හිමිකම් පියවීම්වලදී, අපගේ කැපවූ කණ්ඩායම සෑම විටම ඔබට කඩිනම් සහ කාර්යක්ෂම සේවාවක් ලබා දීමට සූදානම්ය. එමගින්, ඔබගේ අත්දැකීම බාධාවකින් තොර හා ප්‍රතිලාභදායක අත්දැකීමක් වනු ඇත.
පුළුල් ශාඛා ජාලය
රට පුරා පිහිටි ශාඛා සහ පාරිභෝගික සේවා මධ්‍යස්ථාන 190 කට අධික සංඛ්‍යාවක් සමඟින්, SLIC ජෙනරල් ඔබට අසමසම ප්‍රවේශයක් ලබා දෙයි. ඔබ ශ්‍රී ලංකාවේ කොතැනක සිටියත්, අපගේ පුළුල් ශාඛා ජාලය ඔබට සමීපව සිටී. එමඟින්, ඔබට අවශ්‍ය පුද්ගලික අවධානය සහ දේශීයකරණය කළ සේවාවන් ඉතා පහසුවෙන් ලබාගැනීමට හැකියාව ලැබෙනු ඇත.
තිරසාරත්වය සඳහා අපගේ කැපවීම
උසස් රක්ෂණ විසඳුම්වලට අමතරව, තිරසාර පරිසර පිළිවෙත් සඳහා ද අපි නිරතුරුවම කැපවී සිටිමු. අපගේ හරිතාගාර වායු සහතිකය මඟින්, පරිසර වගකීම කෙරෙහි අපගේ කැපවීම සනාථ කරයි. එමඟින්, අපි ඔබගේ වත්කම් පමණක් නොව අනාගත පරම්පරාවන් සඳහා අපගේ මිහිතලයද සුරක්ෂිත කරන්නෙමු.
සේවා විශිෂ්ටත්වයේ උරුමය
SLIC ජෙනරල් ලෙස, අපගේ ගනුදෙනුකරුවන් කෙරෙහි අප උපරිමයෙන් කැප වන්නෙමු. අපගේ මූලික පදනම වන්නේ ඔබයි. විශ්වාසය සහ සුරක්ෂිතභාවය මත ගොඩනැඟුණු අපගේ දිගුකාලීන ඉතිහාසය නිසා, ඔබගේ වෙනස්වන රක්ෂණ අවශ්‍යතා සඳහා උසස් විසඳුම් විශ්වාසයෙන් ලබා දීමට අපට හැකිය.
එම විශ්වාසය සහ විශිෂ්ටත්වය මත පදනම් වූ හවුල්කාරිත්වයක් වෙනුවෙන්, අදම SLIC ජෙනරල් තෝරා ගන්න.
අපගේ ඉතිහාසය
1962
ශ්‍රී ලංකා රක්ෂණ සංස්ථාව පිහිටුවීම
ශ්‍රී ලංකා රක්ෂණ සංස්ථාව (SLIC) ජාතියේ ප්‍රථම රාජ්‍ය රක්ෂණ සපයන්නා ලෙස 1962 වර්ෂයේදී ස්ථාපිත කරන ලදී. රට පුරා ආර්ථික ස්ථාවරත්වය සහ සුරක්ෂිතභාවය ප්‍රවර්ධනය කරමින්, රක්ෂණය සාමාන්‍ය ජනතාවට පහසුවෙන් ලබා ගත හැකි සහ දැරිය හැකි මිලකට ලබා දීම අරමුණු කරගත් මෙම ස්ථාපිත කිරීම, ශ්‍රී ලංකාවේ මූල්‍ය ක්ෂේත්‍රයේ වැදගත් සන්ධිස්ථානයක් සනිටුහන් කළේය.
2003
සීමාසහිත පෞද්ගලික සමාගමක් බවට පරිවර්තනය කිරීම
2003 වසරේදී, SLIC රාජ්‍ය ආයතනයක සිට සීමාසහිත පුද්ගලික සමාගමක් බවට පරිවර්තනය විය. මෙහෙයුම් කාර්යක්ෂමතාව වැඩි දියුණු කිරීම, තරඟකාරීත්වය වර්ධනය කිරීම සහ වෙනස්වන පාරිභෝගික අවශ්‍යතා සපුරාලීම සඳහා රක්ෂණ කර්මාන්තය නවීකරණය කිරීම අරමුණු කරගත් පෞද්ගලීකරණ ව්‍යාපෘතියක කොටසක් ලෙස මෙම පරිවර්තනය සිදු විය.
2009
නැවත රාජ්‍ය ආයතනයක් බවට පත් කිරීම
වසර කිහිපයක් පෞද්ගලීකරණයට ලක්ව තිබීමෙන් අනතුරුව, ශ්‍රී ලංකා රජය 2009 දී ශ්‍රී ලංකා රක්ෂණ සංස්ථාව නැවත අත්පත් කරගත්තේ ය. රාජ්‍ය ආයතනයක් බවට පත් කිරීමේ මූලික අරමුණ වූයේ අත්‍යවශ්‍ය රක්ෂණ සේවාවන් නැවතත් ජාතික අවශ්‍යතාවලට අනුකූලව ක්‍රියාත්මක වීම සහ සියළු පුරවැසියන්ට ඒවා පහසුවෙන් ලබා ගත හැකි වීම සහතික කිරීමට රජයේ ඇති කැපවීම නැවත තහවුරු කිරීමයි. රක්ෂණ ක්ෂේත්‍රයේ රාජ්‍ය අංශයේ ප්‍රමුඛයා ලෙස අපගේ තත්ත්වය, මෙම පියවර මගින් තවදුරටත් ශක්තිමත් විය.
2024
ශ්‍රී ලංකා ඉන්ෂුවරන්ස් කෝපරේෂන්, ශ්‍රී ලංකා ඉන්ෂුවරන්ස් කෝපරේෂන් ජෙනරල් ලිමිටඩ් සහ ශ්‍රී ලංකා ඉන්ෂුවරන්ස් කෝපරේෂන් ලයිෆ් ලිමිටඩ් ලෙස වෙන් කිරීම
2024 වර්ෂයේදී, ශ්‍රී ලංකා ඉන්ෂුවරන්ස් කෝපරේෂන් සිය මෙහෙයුම් ශ්‍රී ලංකා ඉන්ෂුවරන්ස් කෝපරේෂන් ජෙනරල් ලිමිටඩ් (SLICGL) සහ ශ්‍රී ලංකා ඉන්ෂුවරන්ස් කෝපරේෂන් ලයිෆ් ලිමිටඩ් ලෙස විශේෂිත ආයතන දෙකකට වෙන් කිරීමෙන් සැලකිය යුතු ආයතනික පරිවර්තනයකට භාජනය විය. මෙම උපායමාර්ගික පියවරේ අරමුණ වූයේ මෙහෙයුම් විධිමත් කිරීම, සාමාන්‍ය සහ ජීවිත රක්ෂණ අංශවල විශේෂිත අවශ්‍යතාවලට වැඩි අවධානයක් යොමු කිරීම සහ සෑම අංශයකම මෙහෙයුම් විශිෂ්ටත්වය ප්‍රවර්ධනය කිරීමයි.
අපගේ වෙනත් රක්ෂණයන් පිලිබඳ දැනුවත්වන්න, හෝ අප සමග සම්බන්ධ වන්න
ඔබට ආසන්නයේ ඇති ශාඛාවක්
සොයා ගන්න
